شعرهای مازندرانی (تبری) میر حمزه طاهری هریکنده ای نوپا

شعرهای مازندرانی (تبری) میر حمزه طاهری هریکنده ای نوپا

مجموعه ای از اشعار محلی مازندرانی و شعر بی نقطه و امیری و طالبا و همچنین اصطلاحات و گویش های شیرین مازندرانی
شعرهای مازندرانی (تبری) میر حمزه طاهری هریکنده ای نوپا

شعرهای مازندرانی (تبری) میر حمزه طاهری هریکنده ای نوپا

مجموعه ای از اشعار محلی مازندرانی و شعر بی نقطه و امیری و طالبا و همچنین اصطلاحات و گویش های شیرین مازندرانی

کربلا بوم زمین و اون زمون ، کربلا نا اتا تیکه آسمون ...

http://s9.picofile.com/file/8269703126/%D8%AD%D9%85%D8%B2%D9%87_%D8%B7%D8%A7%D9%87%D8%B1%DB%8C_%D9%85%D8%AD%D8%B1%D9%85.JPG

 

کربلا نا ، تیکه ای از آسمون ...

 

کـربلا بـوم زمین و اون زمــون

کـربلا نا ، اتا تیکـــه  آسمـــون


کـربلا با ، شهـــر مـاتـم زینبــه

قتلــه هفتــادو دتــــا تشنـا لبــه


  

کـربلا با ، خیمـه های تش بزه

کـربلا با ، چنتــا گــله سر بزه


کربلا با زینب اونجه کرده غش

وقتیکـه لـو زونه وچونای کش


کـربلا یعنی فــرات بیـه خـجل

ونگـه سقـا و بــراره درده دل


کـربلا یعنی وداعــــــه زینبــه

یاحسین جان ونگه واهه زینبه


دشت درسی خاک و خون و تار بیهه

ظلم فراوون از سکون هار بیهه


ظلـم فراوون کینه از دل داشتنه

شمر و یزیدم چه جور دل داشتنه


اتا ور بــوی خشه بهــار امـــو

اتا ور لهـوی سکه هـــار امــو


دشمنـــونی ناخشی بـزه گـــلی

تشنانه خـونه حسین بن علــی


اتـا وحشی وارثـــه تخــته پـره

مست و دیوانه گنه اهلـه شعره


شاعری خـال لب و مـوی زنه

جز اینا چیزی شه شعره جا ننه


حقـه بازی کـاره ، از بر بیه وه

صاحب عمـــــامـه منبر بیـه وه


روز و شو مست هسه ونه حال خراب

ونــه جلـــو مشته بادوگـه شراب


هـم بنه هـم آسمــون مهتابی اه

اتخلــــه دل ظلم جا بیتابـی اه


آسمــون مثله بنه بـرمـــه گلی

ابر هواسر پنبه ی خونه واری


آه ، هفتــــاد و دتـــا سور بلند

قــد بکشینه کــــربلای همند


آسمون در آسمون پر بزوهه

بــال بر بــال پیغمبر بزوهـه


ای خــور بمـو حسین نازنین

خون تو شندنه اینجه برزمین


ته برار عباسه دس بونه جدا

علقمه سر ته برار بـونه فـدا


ته خواخر زینب هی کنده ونگه وا

چرخ گیرنه تـره میونه قتلگاه


ته علی اکبر ته سه میدون انه

تن درسی پاره پاره خـون انه


قاسم هم باخون حنابندون شونه

شیرواری وه سوی میدون شونه


آخ بگـردم طفله شیشماهه علی

غرقه خون بیه ونه کچکه گلی


تــه رقیه در خــرابـه بیقـــرار

عمه ی ور کوچه پس کوچه هدار


عمـه مـه بـابـا چه تنها هسه وه

کو ؟ چه نینه ، وه ناپیدا هسه وه

 

عمه چــه بابا دیگــه اینور نینه

عمه چه سنگ و گل امه ور اینه


عمه چـه پیـرن سیــو دره تـه تن

عمه چه هی لرزنه تـه دس و تن


عمه چه این مردمون اینجوری نه

چه بدنها زخم و خاک و خونی نه


عمه بیهه ، هی سئوال بی جواب

خیمه بیرون بورده ونه حال خراب


ماه تـی تـی نـاراتـه بالا آسمــون

وینده خیمه خاموشه بی او و نون


خیمه ور چش خو نشونه ازعطش

او او گنه یتیمـــون خیمــه همش


نصف شوه زمــزمــه اینه یاربه

ای صـــدای نــالــه های زینبه


کربلا بوم زمین و اون زمــون

کربلا نا ، اتا تیکـه آسمــــون


***

میر حمزه طاهری هریکنده ای نوپا


نظرات 4 + ارسال نظر
ع . نقیبی سه‌شنبه 27 مهر‌ماه سال 1395 ساعت 08:49 ق.ظ http://poshtesim.mihanblog.com/

سلام
بسیار عالی . سیدجان دست مریزاد.
ارادتمند : نقیبی پشت سیم

وبلاگ روستای ییلاقی گت کلا چهارشنبه 5 آبان‌ماه سال 1395 ساعت 01:56 ب.ظ http://www.gatkolayesabz.blogfa.com/http://

سلام
بسیار عالی
همیشه موفق باشید

نگین پنج‌شنبه 27 آبان‌ماه سال 1395 ساعت 12:24 ق.ظ

سلام خسته نباشید/ ببخشید میشه این شعر و اهنگشو واسم پیدا کنید.خیلی مهمه . ممنونم....

رو به ممرض رو به ازدار از ره بییتی نور بییتی روز روشن نمونسته تاریک شود بییتی

دریچه ای رو به هنر و فرهنگ جمعه 28 آبان‌ماه سال 1395 ساعت 12:45 ب.ظ http://abbasloo-art-culture.blogfa.com/

عرض تسلیت بمناسبت فرارسیدن اربعین حسینی.
"با آن که مدتی از واقعه کربلا گذشته و ما هم با صاحب واقعه هم وطن نیستیم، مع ذلک مشقات و مشکلاتی را که امام حسین (ع) تحمل نمود احساسات سنگدل ترین خواننده را برمی انگیزد، چنان که یک نوع عطوفت و مهربانی نسبت به آن حضرت در خود می یابد"
گیبون مورخ انگلیسی.

برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد