تقدیم به شهدای آتش نشان پلاسکو ...

تقدیم به شهدای آتش نشان پلاسکو ...

الان چند روزه مه چشه نینه خو

خور بمـــوهـه تش بیته پلاسکو

ته عکسه دس کشمبه زمبه کشه

هر کی ره ویمبه گمبه مه پسر کو؟

پیغــــوم بیاردنـه مه سه جدایی

ونه رخـت و لباسه کمبه من بو

  

تش هیته مه دل و دل دارمه داغون

خامـوش بیه چراغه سره ی سو

مــه پسر مــدافعــه مــردمــانه

دتــا چش مثه وارش کلنـــه او

کلـکسر نیشتمه کمبه راداری

تن و په لرزنه مره گیرنه تو

خداره ونگــه وا کمبه دگـردی

خت و خو ندارمه دکل روز و شو

ته عکس بزونه کوچه پس کوچه

دمه در بزونه پارچـه ی سیو

تره چرخ گیرنه هر روز و هر شو

همـه جــاره درنــه زنــه پشو

ته وسه دل هنوز بیتابی کنده

غم و غصه تن و په ره زنده لو

پسر ته دور بگردم کجه بوردی

بشکسمه ته سه بیمه مثه چو

پسر آتش نشان و وه شجاعه

مه ریکا قهرمانه وه اسا کو؟

روز و شوره شمارش کمبه ته سه

هنیشتمه ته سه من دریای لو

ته ایثار و جوونی ره بدینه

هر کی تره وینده دل بونه کهو

دعا لب من خداره ونگه وامه

مه پسر جان بیهه مه سره ی سو

***

میر حمزه طاهری هریکنده ای نوپا