در وصف روستای هریکنده

 

در وصف روستای هریکنده

تقدیم به اهالی روستای هریکنده

برو   برار  امه روستاره  هارش

ونه  سرسبزی و گلهاره هارش

امه  مله   ره  گنه   هریکنده

با تقوا  مردم  و زنهاره  هارش

دوره  ور  علمدار و هتکه پشته

میرو پشت و دشته نشاره هارش

روشن آباد و وصله گرجی آباد

گاز و  او و وه خاره جاره هارش

گل و  دار  و  ونه  لتکا  و  بیشه

اندون و  ونه ماهی هاره هارش

گردشگاه محل دارمی فراوون

توت باغ و ونه صحرا ره هارش

مهمان دوست هستنه  اهل محله

پذیرایی رفق  دوستاره  هارش

مدرسه  تلفن و آسفالت  جاده

محبت هر کجه پیداره  هارش

ونه سور و صناور توت و انجیل

فک و  افرا  و  آغوزداره  هارش

آستونه  وه  بیستا  پنج  تا شهیده

جهاد و جنگ اون پیکاره هارش

هر چی  بوم  خدایی توم  نهونه

به شعر و  وصف شه همراره هارش

طاهری گرچه  دور  و  وه  غریبه

به  شعر و بند  دفتر هاره  هارش 

***

میر حمزه طاهری هریکنده ای (نوپا)